Tuok

Sadirik ladingit,
Tay imnas ni pait;
anian nga ulpit…
Mangluppias sangit.

Kigtot ken butbuteng
dakes a parparbeng
Kantiaw a perreng
dayaw; bareng-bareng

Panaas ti numo
ranggas, tinaud mo.
Ay! Pagay-ayat mo!
Umno kadi? Umno?

Sabir ti dardarak
nakapuspusaksak
Kumulaisegak
rigat sa ti gasat

Huston! Huston koma!
innak indiaya,
Tuleng ka kad aya?
Anian, sulpeng ka!

Mandiakon, kaka
apgesen riknana
Tumalinaed ka
Alan, ah! Alan, ah!