Kulehiyo

Jul 19, 2007, 11:01 am

Sapsapata daguiti dadakkel,
apagkanito 'ti gasto't pirak;
sumarungkar pay apges ni ayat,
banag ko ni baso ken ni arak...

awan pagulimekan ti ulok,
kas ti patinayon a dalluyon;
anian a kinakas-ang na kadi?
kaano pay 'ti 'nak ibabangon?

labas a labas ni tata init,
mangngeg mo kad' laaw toy mawawaw?
sibay ni bisin, anian ti pait,
no man pay sukat nan to ni dayaw..

kaanok to pay a maimatangan,
bimmullalayaw a nam-ay ni biag?
mano tawen pay 'ti palab'sek?
sakbay agnadnad, panaas ni lasag?

atiddog pay kadi't dalyasatek?
manon'n to pay kadi ti gastarek?
mano a tattao pay ti talkek?
kaano ak to kad pay a mapnek?