dahilan

(graduation issue)


Hindi naman sa ayaw ko,
Pero parang di ko kaya.
kahit na Pilitin ko man,
Hindi na yata uubra.

hindi naman sa ayaw ko,
Pero ayaw pumasok eh,
Mali yata ang kurso ko,
Parang hindi pambabae

Hindi naman sa ayaw ko,
Gusto kong makapagtapos,
Kaya kong tapusin ito,
Pero sayang lang ang gastos

Hindi naman sa ayaw ko,
Gusto ko ring yumaman, nay!
Basta wag muna ngayon,
Wag agarin, hinay-hinay...

Hindi naman sa ayaw ko,
Gusto ko lang magpahinga...
'lang buwan na lang natira
Sa ngayon, please, huwag muna.

Hindi naman sa ayaw ko,
At wala po akong nobyo,
tigilan n'yo nga po ako?
ibababa ko na po 'to!

Hindi naman sa ayaw ko
Sige, bukas, uwi ako
Ba-bye, 'nay, see you tomorrow (click!)
Dios ko, bahala na po

Hindi naman sa ayaw ko,
'lam ko, mali'ng inasal ko,
Mahirap maglihi, ano!
Baby, makikilala muna bukas ang lola mo...