akala

Hindi porke't may kapansanan ka,
May lamang ka na sa kanila
Kaya rin ng iba ang iyong ginagawa.
Eh ano ngayon kung may kulang ka?

Hindi porke't may kapansanan ka
Nakakaawa ka na.
Di mo rin kailangang lamangan sila
O patunayang mas magaling ka

Hindi porke't may kapansanan ka,
Mababa na ang tingin nila sa'yo
Bakit, sa tingin mo, kumpleto ako?
May kulang din kaya sa pagkatao ko.

Hindi porke't may kapansanan ka,
Pagbibigyan ka na lang nila.
May damdamin din naman sila
Kaw lang naman nag-iisip na may kapansanan ka, di ba?

Ngayon, sa tingin mo, wala kang kapansanan?
Bakit, nakikita mo ba ang mga pagkakamali mo?

Ngayon, sa tingin mo, wala kang kapansanan?
Di mo nga naririnig ang kunsiyensiya mo!

Ngayon, sa tingin mo, wala kang kapansanan?
Di mo nga masabi ang ‘I love you’ sa parents mo!

Ngayon, sa tingin mo, wala kang kapansanan?
Kaw lang naman ang nag-iisip na wala kang kapansanan, di ba?